Sýnum Japan samstöðu

í von um hamingju og heilsu

Svei mér þá, ég er ekki viss um hver árangur ársins sem er að líða er í raun, jú sitthvað gekk eins og að var stefnt, annað ekki. Ég kvaddi góðan frænda á árinu. Sumt sem maður fekkst við dags daglega virtist miðast í rétta átt og því var haldið áfram á þeirri leið. Ekki var útkoman hér eins glæsileg í maí kosningunum og hjá Jens Garðari - gott að einhverjum gekk vel. Eins má ábyggilega líka læra af Leó sem er öllu nær Skagafirði svona landfræðilega. Ég vona að heilbrigðisrýr haust verði ekki árvissir viðburðir.
Vissulega eru enn til hetjur á Íslandi sem geta bjargað fólki í nauðum og er það vel, en ætli íbúar undir Eyjafjöllum eigi ekki hrós skilið fyrir þolgæði í garð náttúrunnar.

Ég komst út fyrir landssteinana og heim aftur rétt í tæka tíð án þess að verða ónáðaður af Eyjafjallajökli þó hurð hafi skollið nærri hælum, við brottför og heimkomu. Í því ferðalagi var ég spurður af heima manni hvor mér gengi vel að finna húsnæði þar, sá hinn sami var full viss um að ég væri alkominn, flúinn náttúruöflin ógurlegu. Ég svarði því til að svo væri ekki ég væri ekki að flytja, því að meðaltali þá væru eldgos bara á 5 ára fresti á Íslandi. í þessu sama landi man ég að hafa lesið um jól 2008 að lífskjör væru best í heimi á Íslandi.

Hitti ekki Óla Breckman, þegar ég hugsa um það þá var hann ekki sá eini sem ég hitti ekki á árinu 2010, en eins og sá sem vann en vann þó ekki eftirminnilegustu málaferli ársins skrifaði, allt hefur sinn tíma, við finnumst þegar við finnumst. Fræddist um sérstaka tengingu Sandeyjar og þingræðisstjórnar Konungsríkisins Danmerkur.

Við áramót vil ég óska vinum, vandamönnum og þér sem vafrar um uns að þú sérð þetta gleðilegs nýs árs í von um hamingju og heilsu á nýju ári með ósk um að okkur takist að frelsa framtíðina úr viðjum óvissu augnabliksins, þannig að bjartsýni, stórhugur og atorka geti bætt hag lands og þjóðar.

Hví?

Hví í ósköpunum eru öll hin yfirteknu fyrirtæki ekki sett á almennan markað og seld þar, eftir því sem þurfa þykir? Slíkt drægi úr tortryggni.

Bankarnir geta talað sig saman um í hvaða röð fyrirtækin yrðu seld og lágmarkað tap sitt af viðskiptum við fyrri eigendur, ef fyrirmæli um opna sölu á hlutabréfamarkaði koma frá löggjafanum. Hægt væri eins að selja 5% af hlutafé í hvert sinn, eða í hverjum mánuði í almennu útboði. með velígrunduðum reglum sem hæfa viðmiðum Samkeppniseftirlitsins.

Setja skilyrði fyrir yfirtöku

missti ég af myntbreytingu?

Hvaða peningur er með skjaldarmerkinu?
Er það gilt að velja skjaldarmerkið þegar menn varpa hlutkesti?
Þarf ekki að endurtaka hlutkestið vegna formgalla?
Er frásögnin e.t.v röng, valdi Hrafnhildur landvætti?

Spurning hvort Jóhanna verði vakin í nótt og beðin um að velja loðnu eða landvætti, er formaður landskjörstjórnar sér í hvað stefnir við talningu atkvæða úr þjóðaratkvæðagreiðslunni, eða fá forsprakkar Indefence hópsins að velja?

Kjörin formaður með hlutkesti

Brjótið odda, kyngið stolti, étið hatta - leiðið landsmenn að lausn

Nú þegar mikill vandi steðjar að þjóðarbúinu er mikilvægt að þau sem þjóðin hefur valið til að fara fyrir sínum málum brjóti odda af oflátum sínum, kyngi stoltinu, hámi í sig höfuðföt og starfi saman að lausn vandans. Nær væri að menn einbeittu sér að raunhæfum lausnum heldur en að láta mikið með aukaatriði.

Mikið hefur verið rætt á Alþingi um ríkisábyrgð á lántöku Tryggingarsjóðs innstæðueigenda og fjárfesta, sem Tryggingarsjóðnum er ætlað að ráðast í til að standa í skilum samkvæmt margnefndum samningi. Vilja sumir að Alþingi setji fyrirvara við ríkisábyrgðina. Undir samninginn var ritað með fyrirvara um samþykki Alþingis.

Ég fæ ekki séð að það bjargi okkur að ábyrgjast eitthvað sem við getum ekki staðið við. - Þá þarf það að koma fram. Svo er annað sem menn hljóta að setja í forgang er að fá úr því skorið hverjum beri að greiða hvað. - Það þarf að skýrast áður en nokkuð er greitt.

Kapp er best með forsjá, nú sem fyrr.

Leið Buchheits ekki fær

Verður Ísland brætt í tvígang?

Við eigum í vændum lögsókn frá einkaaðilum í Holllandi, vegna Íssparnaðar sem virðist hafa bráðnað og lekið burt, eftir að sparnaðar hugmyndin hafði brætt hjörtu fjármagnseigenda á Bretlandi og í Hollandi, sem vonuðust eftir ríflegri ávöxtun á allt sit fé, ekki frystingu eigna er næmu lágmarkstryggingu.Nú vilja þeir sem áttu fé og lögðu inn á reikning í Landsbankanum fá sitt fé til baka, ef ekki það þá ganga þeir að hverju því sem þeir geta haft héðan með lögsókninni.

Á sama tíma hefur opinbernefnd frá Hollandi og Bretlandi samið við nefnd héðan frá Íslandi, með þeirri niðurstöðu að standi Íslenska ríkið ekki í skilum geti viðsemjendurnir gengið að íslenskum náttúruauðlindum. Það gefur okkur tilefni til að velta ýmsu fyrir okkur og ekki bara samanburðarhugmyndum við Versalasamningana. Þar sem risið er fremur lágt á landanum í dag hafa menn jafnvel nefnt að Íslendingar geti ekki grett af slíku láni þar sem greiðslubyrðin geti verið allt of há.  Það er e.t.v. spurning hvort erlendir einkaaðilar hafi af Íslandi allt sem er steini léttara og opinberir aðilar gangi að stokkum og steinum og hverju því sem þeim gæti þótt verðmætt úr íslenskri náttúru. Greiðslurnar eru sagðar verða allt of hátt hlutfall af landsframleiðslu, þjóðartekjum, opinberum útgjöldum eða hverri þeirri viðmiðun sem menn hafa nefnt til að gerlegt sé að standa í skilum spyr maður hvernig málum verði skipað í framtíðinni:

Verða hinna íslensku háutinda,
hollenskra vega, örlög, slit að binda?
Munu Bretar trollin þorskum með belgja
brátt innan 12 mílna og ýsur svelgja?

Eða er engin hætt á því að hvorttveggja gerist einkaaðilar bræði af okkur allt lýsið og hið opinbera í hollandi bræði jöklana?   Einkaaðilar hafi af okkur lausa fé og hið opinbera hirði fasteignirnar eða hvað?

Undirbúa lögsókn gegn Íslandi

Jóhanna, Castro og Obama með boðskap

Ég veit ekki hvort einhver bylgja af Ís-sparnaðar-spaugi (Æseif-bröndurum) eigi eftir að fara um landið, en þennan heyrði ég nýlega....

Guð kallaði Barack Obama, Raul Castro og Jóhönnu Sigurðardóttur til fundar hvar Guð greindi frá ákvörðun sinni og sagði þeim að gera þjóðum sínum viðvart því heimendir yrði degi síðar.

Obama ávarpaði þjóð sína með beinni útsendingu á öllum kapal sjónvarpsstöðvum sem brugðust við boðinu og sagði:
Mínir heitt elskuðu borgarar ég er með góða frétt og slæma frétt.
Góða fréttin er sú að Guð er til, hann er miskunnsamur og gerir vart greinar mun á ríkum, fátækum eða skuldsettum, en slæma fréttin er sú að  við munum því miður ekki ná síðasta hermanninum heim úr Írak né ná að fá endurgreidd framlög hins opinbera til bjargar ameríska draumnum þar sem Guð er hættur að blessa okkur því heimurinn endar á morgun.

Raul Castro ávarpaði verkamenn á Byltingatorginu í Havana og sagði:
Félagar ég er með tvær slæmar fréttir.
Guð er til þvert á kenningar sanntrúaðra sósíalista ég hef séð hann sjálfur, trúið þið mér. Hin slæma fréttin er sú að byltingin okkar fær ekki staðið að eilífu, henni líkur á morgun eins og allri veröldinni og því snýr Fidel bróðir minn því miður ekki aftur til valda.

Jóhanna Sigurðardóttir boðaði til blaðamannafundar í Norrænahúsinu og sagði:
Kæru þegnar ég hef tvær góðar fréttir að færa ykkur, og segið svo bara að allar fréttir séu slæmar nú þegar verkstjórnin okkar leiðir land og þjóð.
Fyrri fréttin er sú að Íslendingar eru í fremstu röð, á himni sem jörð því mér var boðið til sama fundar hjá Guði og forseta bandaríkjanna og Kúbuleiðtoga sem sýnir að við erum ekki á kúpunni, og við mig var talað á íslensku því er ég vel til þess fallin að leiða ykkur til mjúkrar lendingar og hin góða fréttin er að við þurfum ekki að hafa áhyggjur af greiðslubyrgði vegna Icesave.

Ögmundur ekki ákveðinn

Kaldur klaki?

Vonandi verður Ísland ekki á köldum klaka í fjögur ár vegna vanhugsaðra yfirlýsinga í stjórnarsáttmála. Það væri synd er atvinnulífið myndi festast í sjálfheldu vegna áforma stjórnmálamanna um upptöku veiðiheimilda. Það er einkennilegt að það dugi ekki að skipta upp veiðiheimildum þeirra útgerða sem siglt hafa of djarft á lausafjármiðum fyrri tíma ef þessi dæmi eru einhver um tæknileg þrot útgerða, þannig að bankarnir taki yfir viðkomandi útgerðir. Það er ankanalegt að þeir sem hafa farið með löndum og siglt hafa varlega á lausafjármiðum íka á hættu að missa veiðiheimildir, sem gerir fjármögnun alls atvinnurekstrar erfiðari. Það eitt að slík aðferð sé orðuð í stjórnarsáttmála getur haft neikvæð áhrif á atvinnulífið, Atvinnulífið má ekki falla eins og spilaborg og ekki dugir að festa atvinnulífið niður með tjaldhælum, Atvinnulífið þarf öryggi um að ytriaðstæður þess, lagaumhverfi breytist ekki í sífellu, Atvinnulífið þarf festu svo það geti starfað eðlilega í þvi árferði sem nú er. Nóg rót er nú samt í samfélaginu.

Lýsa vilja til að endurskoða fiskveiðistjórnunarlögin

Að vilja vel

Senn geng ég að kjörborðinu. Ég geng til kosninga með það í huga að ég vil þjóðinni vel. Ég er minnugur þess að hér höfum við haft lýðræðislegt stjórnarfar. Hér höfum við viðhaft lýðræði, hér er lýðræði og hér verður vonandi lýðræði. Nú er hingað komnir eftirlitsmenn, vonandi sjá þeir sem við vitum að hér sé lýðræði og litlar ástæður til þess að hafa áhyggjur af þróun mála. Til allrar hamingju var ekki ráðist í það að breyta kosningalögjöfinni eftir að utankjörfundar atkvæðagreiðsla var hafin.

Ég vil þjóðinni vel. Ég vil varðveita og tryggja sjálfstæði og frelsi Íslands, standa vörð um tungu, bokmenntir og annan menningararf Íslendinga. Treysta lýðræði og þingræði. Vinna að víðsýnni og þjóðlegri umbótastefnu á grundvelli einstaklingsfrelsis og athafnafrelsis með hagsmuni allra stétta fyrir augum. Beita nútíma þekkingu og tækni, svo að auðlindir landsins verði hagnýttar í þágu þjóðarinnar. Skapa öllum landsmönnum félagslegt öryggi.

Ég vil þjóðinni vel. Ég styð Sjálfstæðisflokkinn.

ÖSE í öllum kjördæmum

hverslags saga verður okkar saga?

Sorgarsaga, lygasaga, sönn saga, spennusaga, skáldsaga, raunarsaga .... eða hvað?
Hvort er sannleikurinn lygilegri en lygin eða lygin sennilegri en það sem er satt og rétt?
Fyrir nærri tveimur árþúsundum áttu svik sér stað um þetta leiti árs, skv. bók bókanna.
Þegar ávöxtun á verðbréfamarkaði dregst saman hafa sumir reynt að krækja sér í hrávöru. Góðmálmar eru gjarnan flokkaðir með hrávöru, í það minnsta áður en fagfólk hefur meðhöndlað þá.

Meðan Geir Hallgrímsson var ennþá formaður Sjálfstæðisflokksins, gáfu Örn og Örlygur út framtíðarskáldsögu sem hét Bræður munu berjast, eftir Rónald Símonarson. Mig minnir að ég hafi séð þá bók um það leiti sem sagan átti að eiga sér stað. Í bókinni mátti finna hressilega lýsingu á því sem ég hef talið vera óraunhæft, fram að þessu. Ekki hef ég orðið var við ljósblik hækkandi menningar að undanförnu. Verða bara farnar skrúðgöngur 1. maí?
---
Kristur var krossfestur, ekki hengdur þó ýmsir kunni að kyrja í kór við kímna menntastefnu Eiríks Haukssonar.