Skárra, og þó...

Morgunblaðið má þó eiga það að hafa komist frá fyrirsögninni, skammlaust. En:

 Þá hefur áætlunum hennar fyrir morgundaginn verið aflýst en til stendur að hún leggi af stað í opinbera heimsókn til Ítalíu, Páfagarðs og Spánar á laugardag.

Áætlununum var frestað, ég skil það, en stendur enn til að frú Arroyo haldi yfir hálfann hnöttinn, með verki í kviðarholi, ég held ekki.

Þá hefur áætlunum hennar fyrir morgundaginn verið aflýst en til stóð að hún legði af stað í opinbera heimsókn til Ítalíu, Páfagarðs og Spánar á laugardag.

Held ég að hefði verið betra.

Annars er það merki um misjafnt ástand á Fróni og í Filippseyjum, að þegar landsmóðirin, höfuð ríkisvalds í Filippseyjum veikjist verða allir á tánum en þegar Forsætisráðherra Fróns veiktist um árið, þá kepptust andstæðingar hans við að óska honum skjóts bata, sama gerðist í vetur þegar Steingrímur J velti bíl, þá fór mikil fyrir hlýhug og bata óskum. Ekki var rokið upp og bent á ímyndaða veikleika sem birtust í þessum aðstæðum. Engin ástæða til að hafa áhyggjur af upplausn, uppreisn eða einhverjum uppvöðslusömum mönnum sem gætu hafa reynt að nýta sér óvissu ástandsins eins og menn nú óttast í Filippseyjum.

Viðbúnaðarstig hækkað vegna veikinda forseta Filippseyja

Vígvæðing - ógn og skelfing

Það er nú ekki beint gaman til þess að hugsa að menn bisi við að setja sig í startholur fyrir einhverskonar átök. Vissulega er mikið tekist á á ýmsum vettvangi.

Nú þegar Hinir bestu, mestu, snjöllustu og knattfærustu menn heimsins keppast um að yfirspila hvern annann, má rifja upp að daginn eftir að Japanir báru sigur orð af Norður Kóreumönnum á knattspyrnuvellinum, það var jú einmitt í aðdraganda sömu keppni og margur maðurinn festir ekki svefn fyrir nú um stundir, var stórafréttin sú að stjórnvöld á norðanverðum Kóreuskaganum gengust við einhverjum hluta þess sem þau höfðu verið sökuð um. Prísaði ég mig sælan með að tuðran hafði sloppið einusinni inn framhjá markmanni Japana, annars hefði e.t.v. forsíðu frétt blaðanna þann dagionn verið öllu hörmulegri hefðu þau á annað borð haft starfhæfar prentsmiðjur að lokinni sprengju árás Kims og félaga. 

Kims kauðar ógna,
fremur en verjast spyrnum
í egni möskva.

mjög Árlalenskir
glöddust að kveldi, hræddust
atómið með morgni

Leikur á velli,
hlegið og grátið í senn,
lífið hans utan.

Sunnan ræmu sjá
menn sína sækja, kætast,
í norðri ei bros.

Nú brölta fleiri
Persar víst prúðbúnir enn
spila í friði

Norður Kórea
kát hrekkir aðra, víða,
sumar sem vetur. 

Bandaríkjamenn vara stjórnvöld í Norður-Kóreu við

Hvað er að sjá þetta

Ég held að hvað sem mönnum finnist um stjórnkerfi fiskveiða vorra, þá færi betur á því að segja Grímseyingar kanna kosti mögulegra viðbragða við hugsanlegum kvótamissi
ellegar
Grímseyingar kanna möguleg viðbrögð við hugsanlegum kvótamissi
Eða þá
Grímseyingar skoða viðbrögð við hugsanlegum kvótamissi

Grímseyingar skoða mögulegan kvótamissi

Góðar fréttir, Góðar fréttir

Já, rétt eins ummæli Ólafs G. Einarssonar þá þingflokksformanns Sjálfstæðisflokksins um þá staðreynd að varaformaður Sjálfstæðisflokksins og Borgarstjóri hygði á framboð til formans Sjálfstæðiflokksins þá um vorið, 1991, voru margspiluð, sundur og saman af Spaugstofumönnunum; "Slæmar fréttir, slæmar fréttir" þá segi ég með þó eilítið meiri gleði andhverfu þess sem síðar menntamálaráðherra þá sagði.

Því það eru sannarlega góðar fréttir að skynsemin fái að ráða, að hópur fólks héðan og þaðan úr heiminum hafi með meirihluta atkvæða stutt skynsamlega yfirlýsingu.

Hvalveiðibannið, sem augljóslega átti að vera tímabundin ráðstöfun, er ekki lengur nauðsynlegt.

Orð að sönnu!

Nú held ég að Japanir hafi sýnt og sannað að þeir eru þess megnugir að axla þá ábyrgð sem fylgir setu í Öryggisráði Sameinuðu þjóðanna.

Ályktun samþykkt um að hvalveiðibannið sé ónauðsynlegt

Ekki slæmt

Það er hreint ekki slæmt að Íslandssíldin sé farin að veiðast svo nærri Fróni sem raun ber vitni. Það væri algott ef Norðmenn og frændur okkar Færeyingar væru liðlegri í augnagotum sínum, og sæju staðreyndirnar eins og þær blasa við. Síldin syndir til Íslands, svo við eigum að geta veitt hana. Óheft ungfiskadráp á norskum fjörðum á ekki rétt á sér.

Veiðarnar nú hljóta að vera góður fyrirboði og þrengja að kröfuhörðum Norðmönnum, okkar hlutdeild hlýtur að aukast.

Norsk-íslenska síldin veiðist 60 mílur austur af Langanesi

Ekkert er nýtt undir sólinni

Vegna viðkomandi sögusagnar er vert að geta þess að ég man ekki betur, en í þann mund sem Alþjóðlega HvalVEIÐIráðið samþykkti að friða skildi hvalastofnana í höfunum, að þá og fram að því hafi mikið verið rætt um ný-til-komna aðild þjóða sem höfðu sáralítið með hvalveiðar að gera.

 Þá var sagt að Grænfriðungar og önnur slík samtök höfðu heitið því að beina ekki sjónum að því sem miður færi í umhverfismálum viðkomandi ríkis, ef og aðeins ef, ríkið styddi bann við hvalveiðum.

Transparency International lýsir áhyggjum af ásökunum um að Japanar hafi keypt þróunarríki í hvalveiðiráðið

Þingspjalla þráhyggja

Það er naumast. Útvaldir og sérvaldir aðilar, fulltrúar ríkja, koma saman til að þinghalds undir merkjum hvalveiða. Eins og áður hefur verið sagt er þingið í raun réttu hvalverndunarráð miklu fremur. Svo þinghald gangi sem snuðru lausast fyrir sig, svo utanaðkomandi aðilar, hvort sem er úr röðum veiðimanna eða "verndara", geti ekki spillt þinghelginni grípa ríkjandi stjórnvöld til aðgerða. Og þykir þeim sem þrá að espa upp hlut-að-eigandi aðila, það miður að vera bægt frá þingstaðnum.

Ég veit ekki hvort Bowler sé jafn hneykslaður nú og grænfriðungar hafa verið þegar ríki hafa heimilað flutning geislavirks úrgangs um efnahagslögsögur sínar. Ríkjum er heimilt að meina fólki að hafa þar viðkomu rétt eins og þau geta boðið þeim sem stjórnvöld vilja í heimsókn.

Grænfriðungar fá ekki að sigla inn í lögsögu St. Kitts

Smá misskilningur

Eins og svo allt of oft áður gætir misskilnings. Í fyrsta lagi virðis sem svo að ég hafi haft rangt fyrir mér og ekki séu allir ánægðir, en hver veit, hver veit. Valgerður hefur víst hælt Guðna áður - að sögn Guðna.

En sá misskilningur er ekki minnstur, nema mestur sé, að nú ríki stjórnar kreppa, hið rétta er að nú sem fyrr ríkir ríkisstjórn á Íslandi en ekki ólíkt því sem áður hefur átt sér stað þá er ekki með vissu vitað hvernig stjórnin muni líta út í haust. Ég held að þeir vangar sem veltast um núna veltist og velkist í vafa um nokkuð sem er öllu skemmtilegra að velta fyrir sér en ofstækinu og æðibunuganginum sem gekk yfir landsmenn síðast liðin tvö sumur eða svo.  Nú er raunveruleikinn uppspretta allskonar hugmynda og hugar landsmanna hafa sjaldan fyrr haft tækifæri til jafn hraðs flugs og nú.

Kannski á maður ekki að skrifa eitt né neitt um þessi mál því helstu og stærstu spurningarnar snúa að framsókn.

Framsóknarflokkurinn hefur þingstyrk til að styðja sömu ríkisstjórn áfram, þó Geir Haarde taki við taumnum. Kurteisi Sjálfstæðismanna gerir nú vart við sig með því að leyfa framsóknar mönnum að leiða sín mál til lykta, þ.e. að velja menn til forustu, hvort sem það verða reyndir menn eða óreyndir. Hinsvegar þurfa þeir Geir og Halldór Ásgrímsson að semja um það hvernig ráðuneytum verði skipt hér eftir í þessari farsælu samstjórn. Þeim mun fyrr sem það liggur fyrir þeim mun skemmtilegra.

Auknar líkur eru á því að flokksþingi Framsóknar verði flýtt

Allir ánægðir

Nú virðist mér sem svo að hin sögulega staðreynd haldi áfram; allir formenn Sjálfstæðisflokksins verða forsætisráðherrar. Það er vel að ganga að einhverju vísu í Íslandssögunni.

Nú ber á að einhverjir vilji að Guðni sitji áfram aðrir segja að því er virðist að hann taki pokann sinn. Nú vill Halldór Ásgrímsson út, nú vill Halldór Ásgrímsson axla ábyrgð og stíga upp úr ráðherrastól sínum. Hann gæti gert Guðna og fylgismenn Guðna ánægða með því að una Guðna því að setjast í stól utanríkisráðherra uns ný forusta verður kjörin í Framsóknarflokknum í haust þá muni nýr formaður setjast í stól utanríkisráðherrans. Að sama skapi gæti einhver vonarpeningur Halldórs Ásgrímssonar sest í umhverfisráðuneytið - vilji Framsókn fá aftur það sem Framsókn lét fyrir Forsætisráðuneytið.

Ég held að Halldór Ásgrímsson myndi gera vel ef hann leyfði Guðna að sitja sem raunverulegur varaformaður til haustsins, leiða Framsóknarmenn í Ríkisstjórn til haustsins, hvort sem kenningar um að Framsókn sæktist fremur eftir fjármálaráðuneytinu en utanríkisráðuneytinu að þá myndi Guðni setjast þar. Þá gæti Guðni með stolti staðið við samkomulagið við Halldór Ásgrímsson og gert sína fylgismenn að samaskapi ánægða, hinu ráðuneytinu gæti Halldór Ásgrímsson veitt einhverjum sem honum litist betur á.

Íslendingar þurfa ekki að örvænta ekki er stjórnarkreppa í landinu. Hinsvegar verður gaman að sjá hvað gerist.

 

 

Halldór segist hafa ákveðið að draga sig í hlé

Ekki fréttablað

Fisk á hvers manns disk.  

Eins gott að Morgunblaðið er ekki kallað Fréttablaðið því þetta er að mínu mati engin frétt. Þetta er staðreynd, efasemdafólk hefur reynt trekk í trekk að hnekkja staðreynd málsins en hefur skiljanlega orðið lítið ágengt.

Fiskur er hollur!!!!!!!!!!!!!!!!!!!!!!!!!!!!

En nú þarf ég að hvíla mig því jarðskjálfti og innsáttur færslu er of mikil hreyfing fyrir mig.