Hve vel þekkið þér þjóð yðar

Hvenær birtust þessar fréttir?

 

 

 

 

 

Teljið þér að viðhorfin hafi breyst?

Kann ekki á leitarvélar!

Hlynur frændi minn áfrýjaði fyrsta úrskurði gagnvarpsins í máli málanna, krafðist meiri nákvæmni. Hlynur vildi sum sé vísa málinu frá vegna óvandaðs málatilbúnaðs. Jæja, skoðum þetta þá aðeins betur. Er gagnvarpið að fara á nettengingunni vegna hvalveiða Íslendinga, ég tel svo ekki vera. Dómur gagnvarpsins öðru sinni er:

Niðurstöður 1 - 4 af um það bil 7 fyrir "hvalveiðar eru nauðsynlegar"
Niðurstöður 1 - 4 af 4 fyrir "hvalveiðar eru góðar"

Nákvæmnin skilaði engu fyrir önnur áður reynd málsatvik

á engilsaxnesku

Niðurstöður 1 - 10 af um það bil 177 fyrir "whaling is bad"
Niðurstöður 1 - 10 af um það bil 153 fyrir "whaling is sustainable"
Niðurstöður 1 - 10 af um það bil 132 fyrir "whaling is necessary"
Niðurstöður 1 - 10 af um það bil 72 fyrir "whaling is inhumane”
Niðurstöður 1 - 10 af um það bil 63 fyrir "whaling is humane"
Niðurstöður 1 - 10 af um það bil 40 fyrir "whaling is good"

Niðurstöður 1 - 10 af um það bil 31 fyrir "whaling is immoral"
Niðurstöður 1 - 6 af um það bil 10 fyrir "whaling is fine"
Niðurstöður 1 - 2 af 2 fyrir "whaling is moral"

Minnskilningur á einföldum samanburði og engilsaxnesku: þá eru fleiri dæmi um nauðsynleika hvalveiða en ómannúðleika. Samanlagt virðast mér fleiri tala jákvætt en neikvætt um hvalveiðar.

Gott eða slæmt mál?

Dómur gagnvarpsins í máli málanna:


Niðurstöður 1 - 10 af um það bil 696 fyrir hvalveiðar eru góðar
Niðurstöður 1 - 10 af um það bil 584 fyrir hvalveiðar eru nauðsynlegar
Niðurstöður 1 - 10 af um það bil 497 fyrir hvalveiðar eru mannúðlegar
Niðurstöður 1 - 10 af um það bil 432 fyrir hvalveiðar eru s-l-æ-m-a-r
Niðurstöður 1 - 10 af um það bil 207 fyrir hvalveiðar eru frábærar
Niðurstöður 1 - 10 af um það bil 103 fyrir hvalveiðar eru v-o-n-d-a-r
Niðurstöður 1 - 10 af um það bil 56 fyrir hvalveiðar eru finar
Niðurstöður 1 - 10 af um það bil 32 fyrir hvalveiðar eru ó-nauðsynlegar
Niðurstöður 1 - 10 af um það bil 51 fyrir hvalveiðar eru sniðugar
Niðurstöður 1 - 10 af um það bil 46 fyrir hvalveiðar eru ó-mannúðlegar
Niðurstöður 1 - 4 af um það bil 9 fyrir hvalveiðar eru siðlegar
Niðurstöður 1 - 6 af um það bil 8 fyrir hvalveiðar eru ó-siðlegar

Á engilsaxnesku:
Niðurstöður 1 - 10 af um það bil 1.180.000 fyrir whaling is good
Niðurstöður 1 - 10 af um það bil 1.170.000 fyrir whaling is great
Niðurstöður 1 - 10 af um það bil 982.000 fyrir whaling is b - a - d
Niðurstöður 1 - 10 af um það bil 799.000 fyrir whaling is sustainable
Niðurstöður 1 - 10 af um það bil 659.000 fyrir whaling is necessary
Niðurstöður 1 - 10 af um það bil 650.000 fyrir whaling is perfect
Niðurstöður 1 - 10 af um það bil 360.000 fyrir whaling is moral
Niðurstöður 1 - 10 af um það bil 220.000 fyrir whaling is lovely
Niðurstöður 1 - 10 af um það bil 158.000 fyrir whaling is fancy
Niðurstöður 1 - 10 af um það bil 142.000 fyrir whaling is humane
Niðurstöður 1 - 10 af um það bil 88.400 fyrir whaling is n - e - e - d - l - e - s - s
Niðurstöður 1 - 10 af um það bil 42.500 fyrir whaling is in-humane
Niðurstöður 1 - 10 af um það bil 40.900 fyrir whaling is im-moral

Þar hafið þið það!

Hugskot

Af ótta við syni Allah, vildu Frjálslyndir draga úr streymi fólks sem sennilega tilheyrir austurkirkju kaþólskunnar.

Mæna margir ættaðir úr miðevrópu til Mekka, af Íslandi, fer þeim fjölgandi?

Rétt er það að hlutur Þjóðkirkjunnar lækkaði úr 84,08% í 82,09% frá 2005 til 2006 en Félag Múslima á Íslandi var eftir sem áður 0,11%, í því eru nú 352. Kaþólska kirkjan fór úr 2,15% í 2,37%, Utan trúfélaga úr 2,46% í 2,6%. Aðrir og ótilgreindir fóru úr 3,94% í 5,45%.

Títtnefndur Jón sagðist ekki hafa neitt á móti kristnu fólki úr okkar heimshluta, samt var fundið að framtíðarmöguleikum fólks frá Rúmeníu og Búlgaríu að koma til Íslands.

Svo getum við rætt málin

Hvorttveggja þessi frétt svo og hin sem hefur verið þvælda fram og til baka, um fjölda barna sem tilheyra fátækum fjölskyldum, eru góð tíðindi fyrir tölfræði samanburð milli landa. Vonandi að sambærilegartölur um læsi verði og sendar næst til útreiknings fyrir Mann-Þróunar-Vísitöluna. Mér þykir sem við höfum skilað of lengi auðu í þvílíkum samanburði.

 Má segja að, Ráðherra Hagstofu Íslands sé áræðinn? Að safnað sé upplýsingum sem legið hafi milli hluta fram að þessu. Mér er spurn.

10% landsmanna undir lágtekjumörkum árin 2003-2004

Halló Akureyri

Mikið vildi ég að ég væri laus af öllum kvöðum hérnamegin og gæti verið staddur á Akureyri nú um þessar mundir. Þessi ráðstefna er nokkuð sem ég hefði ekki látið fram hjá mér fara. Hver veit nema að maður hefði lagt höfuðið í bleyti og lagt sig fram við að hnoða saman svo sem einni spuringu á minni meingölluðu engilsaxnesku. Ég vona að allt lukkist vel, að erlendu þátttakendurnir séu ánægðir með aðstöðuna og geti hugsað sér að endurtaka leikinn svo Háskólinn á Akureyri verði héðan í frá tekinn með í reikninginn þegar Sjávarútvegsmál eru rædd í alþjóðlegu-(vísindalegu)-samheingi, þrátt fyrir nafnbreytingu og umskipun deilda.

Ég vildi ég væri þar. Í staðinn reyni ég að standa mig hér.

Útrásin góða og þjóðin

Það eru ekki bara hinum umsvifamestu íslensku kaupahéðnum sem sem áskotnast meira og meira fé. Það eru ekki einungis hinir stórtæku uppkaupamenn sem hagnast. Það eru fleiri en stæstu banka hóparnir sem græða.

Að vetri til er mikilvægt að menn gleymi ekki smáfuglunum.
Meira að segja mýramenn geta hagnast vel í þessu bankagóðæri sem nú gengur yfir. Fyrst minnst er á mýramenn hvað hefur KB keypt nýlega?
---
En Fróni fjarskyld fyrirtæki hafa hagnast líka sem og óskyld.

Bjórárbúinn nefnir tvískynung manna þegar talið berst að vöxtum, einkum og sér í lagi þykir honum mótsagnakennt að fólk sem gleðjist yfir velgengni íslenskra fjársýslu fyrirtækja erlendis í útrásinni svo nefndu, fárist yfir fjársýslun hinna sömu hér heima. Allt er í heiminum hverfult, eins og listaskáldið góða orti. Fyrir ekki svo mörgum árum var býsnast yfir þeirri útsölu á peningum sem þá stóð sem hæst. Nú er talað um vaxta okur. Er farið nú fram á það að Bankarnir eigi

að sjá sóma sinn í að lækka vexti. Bjóða betri kjör á húsnæðislánum. Hætta að hækka yfirdráttarvextina sífellt. Leggja niður mest af þjónustugjöldunum.

Ef bankarnir færu, á Fróni, að þessum frómu óskum  bænaskjals höfundar, væru bankarnir þá ekki komnir í einkennilega stöðu þar sem fjársýsla eða fjármálaþjónusta á Íslandi væri niðurgreidd af viðskipta vinum bankanna í Bretlandi, Noregi, Svíþjóð eða hvar sem er annarsstaðar. Eiga bankarnir að þjónusta Íslendinga ódýrar en aðra vegna þjóðernisins? Það er í sjálfu sér í lagi að biðja um sambærilegt verð fyrir þjónustu og býðst viðskiptavinum sama banka erlendis.
Ég myndi frekar byðja um hærri vexti á sparifé, húsnæðislánin voru sett á útsölu og seldust þau ekki svo vel að nú er verðið hækkað svo bankarnir geti veit öllum sem vilja fá lán á nýja verðinu.
Það er hreint ekkert gaman mál ef raunávöxtun sparirfjár er neikvæð. Reyndar hlýtur þeim að fara fækkandi sem geyma mest af sínu fé á almennum sparisjóðs bókum, úr nógu er að moða þegar kemur að tilboðum fjármálafyrirtækja um ávöxtun sparifjár. Einhverstaðar þykist ég hafa lesið það að meiri ávöxtun væri fólgin í því að eiga hlut í vaxandi banka en að eiga peninga á bók í sama banka. 
---
Sigurjón Benediktsson má kaupa sér veiðistöng og Kristinn Pétursson má kaupa sér tannbursta, eða öfugt. Rétt eins og Ásgeir kaupir sér föt og synir Hannesar og Smára fara í ferðalag, metast Gvendarbræðurnir og Þór um hvor eigi flottari gemsa. En þegar fjármunirnir íslensku fóru á flakk þótti mér sem orð, þau er við mig voru höfð eftir Jóni heitnum Þorlákssyni, væru gleymd með öllu:

Hver króna er hverfur úr landi, er kvödd í síðasta sinni.

Nú herma fréttir að fjármunir flæði í ríkiskassann, í formi skatta af tekjum dótturfyrirtækja erlendis - er það vel. Væri ekki skemmtilegt ef að féið hefði ekki flakkað hingað og þangað, heldur hefði markið verið sett á toppinn. Ekki eintómar tuskubúðir, hverra nöfn eru óþekkt eru með öllu fyrir þeim sem kæra sig kollótta um klæðaburð. Og svo að handsöluðum kaupunum hefðu höfuðstöðvum fyrirtækisins verið kyppt heim á Frón. Hver ein og einasta höfuðstöð gæti verið móttaka, fundarherbergi og skrifstofa fyrir framkvæmdastjóra, forstjóra, stjórnarformann og svo ritara þeirra. Þanng væri draumkennd byggðastefna
Dell með höfusðtöðvar á Dalvík, Fiat á Fáskrúðsfirði, Vodafone í Vestmannaeyjum, Simens í Súðavík, Pfizer á Patreksfirði, Sony á Selfossi, Sanyo á Sauðárkróki, General Electric í Grundafirði, Renault gæti verið stýrt frá Reykjavík.
Svo náttúrulega hið augljósa Alcoa á Reyðarfirði og Alcan væri með sínar aðalskrifstofur í stað bræðslu í Straumsvíkinni. Heineken færi eftir fyrirmælum sem bærust frá Hvolsvelli og Anheuser Bush hlýddi öllu því sem ákveðið væri á Árskógsströnd. Carlsberg kippti sér bara upp við það hvað Víking segði.
Hvernig væri það ef Ó. Johnson & Kaaber hefðu yfirtekið Johnson & Johnson?
Íslendingarnir hefðu ekki Skipafélagið í stað flugfélagsins MÆRSK?
Þetta hefði aldrei getað gerst á einum degi, og kannski ekki í þessarir röð, líklegra hefði verið að menn hefðu einbeitt sér að færri verkefnum. Ef ÍS og SH hefðu keppst um annað hvort Unilever eða Nestlé, það hefði verið bragð af þessháttar átökum. Eða ef átökin um Íslandsbanka sem Agnes Bragadóttir skrifaði um, hefðu verið um Citigroup, þá hefði verið gaman að vera Íslendingur.

Bankarnir skila á bilinu 30-40 milljörðum í ríkiskassann

Framtíðin ræðst í dag

...hvort sem er á HM, á miðunum, í næturlífinu, á alþjóðavettvangi, í söngvakeppninni, í Ný-frjálslyndaflokknum eða á skíðum. Hvar sem er ræðst framtíðin í dag 27. janúar 2007.
Guð, guðir og góðar vættir gefi öllum góða nótt, svo laugardagurinn verði sem mestur og bestur fyrir sem flesta. Nógv er á skránni.
Þá vikrar vel að vera úthvíldur fyrir átökin.

Ég vona að dagurinn í dag verði góður, ekki síðri en í gær.

Því það eru alveg hreinar línur að framtíðin ræðst í dag, rétt eins og alla aðra daga, nema fyrir þá sem eru forlagatrúar.

Góða nótt.

Til hamingju

Það er við hæfi að óska þeim sem, veður vonandi senn leyfir, að sjá til sólar, til hamingju. Sérstaklega þar sem maður hefur gerst sekur um að útskýra sólarleysið á sumum stöðum víðsvegar.

Ég vona að sólin sýni sig á Skutulsfjarðareyri.

Ég verð að segja það eins og það er, ég skammast mín. Ég skammast mín fyrir að hafa þvælst um þær slóðir sem ég hef ratað á leið minni hingað, hvar ég er staddur í dag án þess að hafa nokkruntíman drukkið sólarkaffi þegar sólargleislum, ef sólin glennir sig, er fagnað. Þykir mér það miður.

En maður gæti varla beðið um tíu dropa væri maður fyrir vestan á þessum degi, hefði maður ekki þraukað sólarleysið sjálfur, eða hvað?

Sólardagur á Ísafirði í dag

Þankagangur

Þar sem ég á í basli, við að standa undir þeim metorðum sem manni hefur áskotnast í gegnum tíðina. Því er ekki að leyna að erlend aðstoð við uppfærslu heimasíðu minnar hefur farið í handaskolum, legg ég þeim mun meiri áherslu á blaðrið, hér eftir en hingað til.

Það er ákaflega ánægjulegt að stærstu fréttir liðinnar helgar hafi ekki verið fengnar frá lögreglunni, heldur af sviði stjórnmálanna.  
Ég gæti ímyndað mér að á fyrstu samkomu Framsóknarflokksins að loknum Alþingiskosningum verði valið um hvort Valgerður Sverrisdóttir eða Guðni Ágústsson leiði Framsóknarmenn inn í framtíðina, þ.e.a.s. ef Framsóknarflokkurinn braggast ekki nægjanlega í höfuðborginni til að tryggja formanninum þingsæti.
Ef allt fer sem horfir verður Vestmanneyjingur á framboðslista Sjálfstæðisflokksins kjördæmakjörinn og munu atkvæði greidd Sjálfstæðisflokknum í öðrum kjördæmum ekki hafa áhrif á kjör Vestmanneyjingsins.
Það er orðið spennandi að sjá til Ný-Frjálslyndra, sem fundu að skoðanaskiptum Gunnars Örlygssonar og sumir þeirra hafa sagt hann hafa komið illa fram við varamann sinn, þar sem hann hefur ekki vikið um stundarsakir af Alþingi að loknum skoðanaskiptum. Ekki er hægt að segja það að Gunnar Örn hafi stundað það að kalla inn varamann sinn. Nú gengur þingmaður úr öðrum flokki til liðs við Ný-Frjálslynda og ekki amast þeir við vistaskiptunum.
Í þessu ljósi sá ég að Sigurlín ritaði:

 "mér hefur verið sagt að það sé öllu heldur mun hagkvæmara fyrir mig að vera í 2. sætinu vegna aðstöðumunarins á aðgenginu að upplýsingum." 

Mér er spurn hvaða samflokks maður Sigurlínar kemur svona fram við hana. Þess ber að geta að Sigurlín var uggandi um að liðsaukinn gæti dregið úr, eða tafið, frama hennar innan Nýja-Frjálslyndaflokksins.
Því miður gat ég ekki setið Kjördæmisþingið í Mývatnssveit og komið að samþykkt framboðslista Sjálfstæðisflokksins í Norð-Austurkjördæmi, þar af leiðandi er hinn síungi ofurhugi Halldór Blöndal ekki í fyrstasæti framboðs listans. Nú þurfa Sjálfstæðismenn í Norð-Austurkjördæmi að bíða og sjá hvort framboðslistinn sem er leiddur af nýliðanum Kristjáni Þór Júlíussyni hljóti náð og blessun miðstjórnar Sjálfstæðisflokksins. Að vísu er þeim kappinn ekki alveg ókunnugur því hann situr jú sem formaður sveitastjórnarráðs í miðstjórninni. Ég sé hinsvegar ekki hina þrjá sem tóku þátt í prófkjörinu flokksins, en náðu ekki bindandi kosningu, í staðinn má finna á framboðslistanum nöfn sem ekki hafa tekið þátt í nokkru prófkjöri eða nokkurri kosningabaráttu Sjálfstæðisflokksins fram að þessu, eftir því sem ég best man og veit. Kann það góðri lukku að stýra?