Junya Nakano

Mikið brá mér í gær þegar ég frétti andlát Junya. Ég sendi Eyþóri og öðrum aðstandendum mínar innilegustu samúðarkveðjur.

færist fjör í færeyskan leik

Í ljósi þess að nú er

Lok lok og læs og allt í stáli,
lokað fyrir Páli

[Þar sem að allt er lokað fyrir Høgna hlýtur allt að vera líka lokað fyrir Páli á Reynatúgvu] 

þá nú ræðast þeir við, Jóhannes lögmaður og formenn flokkanna sem hafa staðið andspænis honum frá  því 4. febrúar. Sem kunnugt er söðlaði Jóhannes þá um, eftir 4 ára samstarf við Fólkaflokkinn og Sambandið, og samdi við þjóðveldi, en nú hefur Jóhannes og fetað í fótspor Anfinns og leyst landsstýrismenn þjóðveldis undan skildum þeirra. Anfinn tók að sér sjálfur störf þjóðveldismanna í landsstýrinu í desember 2003 og gegndi þeim fram yfir kosningarnar í janúar 2004 sem hann boðaði samfara samstarfs slitunum til. Anfinn hafði þá stýrt landsstýrinu með þjóðveldi innanborðs frá því í maí 1998.

Nú ræðast þeir við Jóhannes, Jørgen og Kaj Leo. Jóhannes segist mikilvægt að taka afstöðu til jafnréttis í nýrri stjórn. Kaj Leo og hafa ekki viljað lofa því að sögn Jóhannesar, að nokkur kona verði valin í nýju stjórnina. Í fyrri stjórn þessara þriggja flokka sátu að jafnaði 7 heiðursmenn, og hefur Jóhannes látið hafa eftir sér að sitt fyrra (væntanlega innan skamms fyrsta) landsstýri hafi verið það síðasta sem einungis var skipað mönnum. Uns Jóhannes sleit samstarfinu við Þjóðveldið þá sátu í landsstýrinu 5 menn og 3 konur. Því fer þó fjarri að það hafi verið hið fyrsta landsstýri hvar kvenmaður kom við sögu, því allir eiga jú að muna eftir því að Marita Petersen var lögmaður frá apríl '93 fram í september '94.

Þeir þrír sem nú ræðast við, nutu þingstyrks 20 af 33 lögþingsmanna, í kjölfar kosninganna 19. janúar s.l. Menn eru ekki alveg vissir um hver verður niðurstaða Sandeyingsins frá Skopun, en hann studdi ekki annað landstýri Jóhannesar formanns síns síðustu dagana. (Fólkaflokkur 7 (6 karlar & 1 kona) Samaband 7 (6 karlar & 1 kona) Javnaðarflokkur 6 (4 karlar & 2 konur). Í landsstýrinu sitja enn Jóhannes og Helena fyrir Javnaðarflokkinn, og í þeirra stað komu inn á þing einn karl og ein kona. 

Annika Olsen þingkona fólkaflokksins tók fram að

tað er umráðandi, at fólkini, sum verða vald í landsstýrið, hava kvalifikatiónir á økinum, og enn vita vit ikki, hvørji málsøki, vit fáa í eini møguligari samgongu. Tí er alt framvegis opið

er hún sagðist tilbúin til starfa fyrir land sitt og þjóð. Telja má líklegt að Jóhannes vilji sitja áfram á stóli lögmanns og sé því viljugur til að ræða það áfram að tveir Javnaðarmenn sitji í landsstýrinu auk hans, og þá eru mestar líkur á því að Helena Dam sitji áfram með Jóhannesi, Sandeyingnum mun líklega þykja eftir sem áður fram hjá sér gengið verði það raunin.

Jørgen og Kaj Leo eiga það sameiginlegt að hafa hlotið færri atkvæði í síðustu kosningum en sitthvor flokksbræðra þeirra, sem nutu nokkurra vinsælda er þeir sátu í landstýrinu hér áður fyrr, Jacob Vestergaard stýrði sjávarútvegsmálum febrúar 2003-febrúar 2004 og sambandsmaðurinn Magni Laksáfoss  fjármálum Færeyinga maí 2007- febrúar 2008. Í Færeyjum fá þeir þingmenn sem taka sæti í landstýrinu fararleyfi frá þinginu, meðan þeir gegna störfum í landsstýrinu, koma þá varamenn inn á þing. Vert er að geta þess að þjóðveldismaðurinn Hergeir Nielsen er formaður Lögþingsins og verður það að öllum líkindum fram að næstu kosningum.

Þar sem ekki er vitað hve margir munu eiga sæti í nýja landstýrinu,en frekar líklegt er að það verði í það minnsta 6 manns má fastlega gera ráð fyrir að það verði formennirnir og þá þeir sem hlutu flest atkvæði og að framan sögðu má sjá að ég reikna með að Helena Dam sitji áfram. Hvort Kaj Leo og Jørgen geri kröfu um þriðja sætið fyrir hvorn flokk, í ljósi þess að Javnaðarmenn haldi lögmannsstólnum, skal ósagt látið. Ljóst er að líkindi eru til þess að Bjarni Djurholm Eyverjavinur og Heiðin Zachariassen setjist aftur á lögþingið. Þá eru meiri en minni líkindi til þess að Marjus Dam og Helgi Abrahamsen setjist á lögþingið í farleyfum Magna og Kaj Leos. Það ætti ekkert að þurfa að hrófla við  Eyðgunni eða Andreasi hjá Javnaðarmönnum. Ekki er útilokað að kempan Óli Breckmann muni eiga afturkvæmt í ræðustólinn að svo stöddu, ef þriðji landsstýris stóllinn falli Fólkaflokknum í hlut, hvort sem það yrði Anfinn, Annika eða Jógvan á Lakjunni sem myndi fara með Fólkaflokksumboð inn í landsstýrið. Að sama skapi gæti Jaspur Vang komið inn á þing fyrir sambandið. Þess skal þó getið að Landsstýrismenn hafa ekki alltaf komið úr röðum Lögþingsmanna og því er ekkert sjálfgefið í þeim efnum að vara þingmennirnir sem ég hefi getið, setjist á þing.

 

krónan okkar kæra, þín og mín!

Íslenska krónu þráir sérhver halur
íslenskar skiptu um hendur í dag.
íslensk króna notadrýgri en dalur
með krónu má kippa öllu í lag.

Með íslenskri krónu vill versla hver snót
íslenskri krónu með kaupir þú allt.
Íslenskri krónu sýna má blíðuhót.
Íslenska krónu víst nota þú skalt.

 

Íslenska krónan er hraust sem haust viss lægð,
íslenskir sjóðir seint verða grunnir.
Íslenska krónu má hafa að mynt gnægð,
með krónu keyptir allt er þú unnir.
Þó íslenska krónan lækkaði í gær
getur krónan hækkað lítir þú fjær.
Að íslenskri krónu ekki nokkur  hlær.
Íslenska krónan er þér ætíð kær.

Gengi krónunnar lækkar enn

Spurning

Geta menn ekki Geirneglt krónuna við hvaða gildi sem er, þó ekki lífeyrissjóðinn, kjósi þeir sem ákvarðanir taka að taka slíka ákvörðun.
Ég hugsaði sem svo að í ætt við hinn forna gullfót sem á fyrritíð var stuðst við, gætum við tekið upp tengingu gjaldmiðilsins við ál eða olíu enda olía enn sem komið er í daglegri notkun hér á landi, í einu formi eða öðru, þegar mér datt þetta í hug var olíutunna keypt fyrir meira en 100 dali í fyrsta skipti, og það var gert bara til gamans, fremur en gagns, ef ráðríkum einræðisherra dottið slíkt í hug og framkvæmt á þeim tímapunkti, hefði sú ákvörðun leitt til talsverðrar sveiflu í viðkomandi efnahagslífi það sem af er þessu ári.
Svona hugrenningum má líkast til líkja við fári.
Menn gætu reynt að handstýra gengisskráningu með meira tilliti til alþjóðlegs efnahags, en áður var gert.

Krónan styrkist um 0,36%

Beðið frekari tíðinda

Hr. Fukuda fikrar sig af sjónarsviðinu, fórnar ferli sjálfs sín til framfara fyrir land sitt og þjóð. Vill rýma til í von um að umbætur geti gengið eftir. Hr. Fukuda vildi forðast hrossakaup, og tómarúm. Frjálslyndir lýðræðissinnar - í Frjálslynda lýðræðisflokki Japans - (自由民主党) og samstarfsflokkur þeirra hafa tök á neðrideildinni en stjórnar andstaðan hefur haft meirihluta í efri deildinni síðan í júlí 2007, og erfiðlega hefur gengið að ná saman um stór mál, Hr. Abe lét af embætti 26. september í fyrra þegar Hr. Fukuda tók við.

Kosið verður til þings í Japan næst eigi seinna en í september 2009. Nýr leiðtogi Frjálslyndra lýðræðissinna mun því hafa um eitt ár til að kljást við stjórnar andstöðuna í efri deild, og telja ýmsir eftirmann Fukuda betur til þess fallinn en Fukuda, sama hver svo sem það verður. Líklegt er að leiðtoginn muni þurfa að keppa við Hr. Ozawa sem fer fyrir lýðræðisflokki Japans (民主党)og sækist nú eftir því að leiða flokkinn þriðja tímabilið í röð. Hr. Ozawa kemur upphaflega úr röðum Frjálslyndra lýðræðissinna. Óvíst er þó hvort nýjabrum nýs forsætisráðherra  - og vinsældir þess vegna - verði afskaplega nýtt. Enda er fallvalt veraldargengið í Tókýó sem við Tindastól.

Líklegt þykir að fyrrum keppinautur þeirra beggja Hr. Fukuda og Hr. Abe um foringja hlutverk Frjálslyndra lýðræðissinna í Japan Hr. Aso muni sækjast eftir verkefninu. Því hefur verið fleygt fram, að andstæðingar Hr. Aso muni reyna að koma sér saman um að koma Frú Koike til valda í stað Hr. Aso. Fromannskjörið hefur ekki verið auglýst en það mun líklega ekki dragast á langinn.

Taro Aso er fæddur 20. september 1940, hefur setið í neðrideildinni frá 1979, varð ráðherra innanríkis, póst og samskiptamálaráðherra í stjórn Koizumis árið 2003 og utanríkisráðherra 2005 og sat sem slíkur fram í ágúst 2007, síðustu 11 mánuðina í stjórn Hr. Abe, fyrir hverjum Aso beið lægri hlut í formannsvalinu 2006. Tengdafaðir Asos var forsætisráðherra á árunum 1980-1982. Móðurafi Asos var forsætisráðherra 1946-1947 og aftur 1948-1954.

Yuriko Koike er fædd 15. júlí 1952 var kjörin í neðri deildina árið 1993, hvar hún hefur setið síðan, árið 2005 bauð hún sig fram í Tókýó en var áður fulltrúi Hyogo-héraðs á þingi. Hún varð umhverfisráðherra í stjórn Koizumis árið 2003 - sama ár og hún gekk til liðs við Frjálslynda lýðræðissinna - og gengdi því embætti til ársins 2006 gengdi embætti varnarmálaráðherra í 54 daga í stjórn Abe á síðasta ári.

Hr. Abe, forsætisráðherra Japans 2006-2007, er fæddur 21. september 1954, móður afi hans var forsætisráðherra 1957-1960

Hr. Fukuda, forsætisráðherra Japans 2007-2008, er fæddur 16. júlí 1936, faðir hans var forsætisráðherra Japans 1976-1978.

Forsætisráðherra Japans segir af sér

Fannar Logi Jóhannsson 1987-2008

Fannar frændi minn. Fannar systursonur minn verður borinn til grafar í dag. Fannar var góður drengur.  Fannar var nokkur grallari, en uppátæki hans sem ég varð vitni af voru græskulaus. Fannar vakti óskipta athygli á veitingastað í Visby á Gotlandi þegar hann tveggja og hálfs árs var svangur og var þreyttur á bið eftir þjónustu og gaf það tilkynna með nokkrum krafti og á góðri íslensku, það góðri að allir sænsku þjónarinir skyldu samstundis hvernig væri í pottinn búið og brugðust hratt við.

Fannar hafði mikinn áhuga hvorttveggja á bílum og knattspyrnu, með knattspyrnuiðkun sinni vakti hann upp keppnisskap afa síns, sem hvatti hetjuna óspart í keppni á Akureyri.

Ég man ekki eftir öðru en gleði og kæti væri alltaf mikil ef Fannar var nálægur.

Síðan í júlí í fyrra hefur hugur minn verið hjá Fannari og fjölskyldunni allri. Vonir okkar, bænir okkar og óskir okkar rættust ekki.

Mannlegur máttur getur verið svo sorglega vanmáttugur.
Við geymum öll minningu Fannars Loga.
Ég sakna Fannars.
Guð blessi og styrki Tótu, Jóa & Þorstein, Daníel og Bergdísi.

Öllu má nú nafn gefa

Umræða um menn og málefni getur verið um margt forvitnileg. ég man til þess að hafa heyrt tvær setningar sagðar út yfir alþjóð, varpað með ljósvakans öldugangi. Nokkur tími leið frá því ég heyrði fyrri setninguna fyrst uns ég heyrði þá seinni. Kannast lesendur við fleiri byrtingaform hins myndskreytta orðs.
"Forseti Íslands er  gagnvart Alþingi"
"Alþingi getur virkað sem við skipun dómara"

Mér líst ekki á jafninginn, það er aldeilis þrýstingsjöfnun. 

Af vaxtalækkunarferlinu

vafin er Verðandi reyk;
lítið sjáum aftur,
en ekki fram,
skyggir Skuld fyrir sjón.
-Matthías Jochumsson

Sumum þykja vextir háir á Íslandi. Víst er að vextir eru hærri á Íslandi en í Japan. Orðið vaxtalækkunarferli hefur verið notað um ósk(hyggju) hverra sem rætt hafa um vonir eða spár  um lækkun vaxta. Menn hafa talið að stýrivextir haldist háir, hækki jafnvel frekar áður en vaxtalækkunar ferli verði sett í gang. Vaxtalækkunarferli er andstæð því vaxtahækkunarferlis danslagi sem segja má að Seðlabankinn leiki og menn hafa meira segja gagnrýnt. Óvíst er hvort mann hafa látið eftir sér að opinbera vonir sínar í útgefnum álitum. Ólíklegt er samt að menn hafi látið sér nægja að vona bara að ástandið haldist óbreytt, nær væri að halda að stórhugamenn vonuðust eftir því að lifa sér hagstæðar breytingar og það jafnvel stórtækar. Ekki veit ég hvort greinendur líði fyrir minnkandi von eða vaxandi vonleysi og slíkt megi merkja í álitum, greinagerðum og spám þeirra. Sumir hafa jafnvel talað um nauðsyn meiri hraða þess sem á sér ekki stað. Hvort menn séu óþreyjufullir skal ósagt l átið. Þykir sumum margt benda til að við hæfi sé að breyta um stefnu. Kannski má segja að menn séu spenntir fyrir breytingum. Hver veit nema menn sé farnir að spá sér þvert um geð í von um að slíkt virki fælandi fyrir þá sem stýra vöxtum.  11. maí 2004 voru stýrivextir Seðlabankans hækkaðir í 5,5% með hækkun upp á 0,2%.

Vaxtahækkun í Færeyjum, sem eru að sögn bestu eyjarnar að heimsækja, er það eina sem frést hefur af þeim málum úr þeirri átt.

 

 

Myndir úr Peningamálum nr. 32, 31 og 29. 

ATH:
Val hlekkjaðra orða er tilviljanakennt og er ekki lýsandi fyrir stefnu eða skoðanir samferða manna þess sem sló textann inn eða fyrirtækja þeirra sem sá sem sló textann inn stundar viðskipt við ellegar tengist með nokkrum hætti beint með hlutafjár eign eða hlutafjár eign lífeyrissjóða eða félaga sem sá sem sló textann inn tengist nú, hefur tengst eða mun tengjast í framtíðinni.

Borðaði sushi í tilefni dagsins.

lúmskur?

Er Færeyjavinurinn og forsetinn fyrrverandi að tala til þeirra sem spenna bogann hátt og vænta mikils af forkosningunum? Er Færeyjavinurinn að búa í haginn fyrir frú sína þegar menn og miðlar munu keppast við að meta útkomuna og stöðu hvers og eins frambjóðanda eftir kjörið? Er Færeyjavinurinn að miða að sigri í baráttunni sem viðbrögð við niðurstöðu forkosninganna getur leitt til? Er Færeyjavinurinn að tala niður væntingarnar svo hjarðmenn frú Hillary eigi auðveldara með að hreykja sér af hverju því atkvæði sem fellur frú Færeyjavinarins í skaut?

Bill Clinton telur að kyn og kynþáttur ráði úrslitum í S-Karólínu

Smáu flokkarnir stækkuðu

Smáflokkarnir stækkuðu en eru samt ekki orðnir stórir. Jafnaðarmenn Jóhannesar hefðu getað haldið 7 sætum á þinginu ef, Miðflokkurinn hefði fengið 25 atkvæðum færra - athyglivert að hafa í huga að í Miðflokknum og Jafnaðarflokknum eru nú þingmenn sem voru áður kjörnir á þing fyrir aðra flokka, sjálvstýri og tjóðveldi.
Það verður forvitnilegt að sjá og heyra hvað almenningi finnst um nýtt þinglið, í ljósi stórakjördæmisins. Fólkaflokkurinn tapaði minnstu fylgi af stjórnarflokkunum. Ef litið er til niðurstöðu úr Fólkaþingskosningunum í fyrra haust þá sjá menn:

Listi	Val 2007	%	Val 2005	%	Munur %	Valdir
A  - Fólkaflokkurin	4726	20,5	5990	24,1	-3,6	(-1)
B  - Sambandsflokkurin	5413	23,5	5329	21,4	+2,1	1 (+1)
C  - Javnaðarflokkurin	4702	20,4	5509	22,2	-1,8
D  - Sjálvstýrisflokkurin	797	3,5	584	2,4	+1,1
E  - Tjóðveldi	5848	25,4	6301	25,4		1
H  - Miðflokkurin	1577	6,8	829	3,3	+3,5

Og svo Lögþingskosningarnar:

Listi	Val 2008	%	Val 2004	%	Munur %	Valdir
A  - Fólkaflokkurin	6233	20,1	6530	20,6	-0,5	7
B  - Sambandsflokkurin	6521	21,0	7501	23,7	-2,7	7
C  - Javnaðarflokkurin	6016	19,4	6921	21,8	-2,4	6 (-1)
D  - Sjálvstýrisflokkurin	2243	7,2	1461	4,6	+2,6	2 (+1)
E  - Tjóðveldi	7238	23,3	6890	21,7	+1,6	8
H  - Miðflokkurin	2603	8,4	1661	5,2	+3,2	3 (+1)
L  - Miðnámsflokkurin	221	0,7

Þá kjósa hlutfallslega færri Færeyingar Tjóðveldismenn til Færeyska Lögþingsins en til Danska Fólkaþingsins.

Kaj Leo varð ekki eins veikur og kannanir bentu til að hann yrði, hann stakk upp á fundi formanna stjórnarflokkanna annað kvöld sem Jóhannes sagði að yrði ekki annað kvöld.
Högni talaði um bíltúr. Miðflokkurinn átti ótrúlegt kvöld.
Fólkaflokkurinn tekur vel á móti nýjum þingmönnum sínum. Fólkaflokkurinn stóðst prófið.

Hafa verður í huga þó að kosningarnar hafi farið svona er óvíst hverjir muni sitja á þingi, því ráðherrar fara jú allir í farleyfi þegar þeir taka embætti í Landsstjórninni og varamenn þeirra taka sæti. Hvorki Bjarni né Heiðin náðu kjöri. Ef Jógvan á Lakjuni heldur áfram í Landsstjórninni kemur Bjarni inn á þing. Fólkaflokkurinn hefur haft þrjá ráðherra, ef það helst óbreytt, þá eru Bjarni Heiðin og Óli líklegir til að koma aftur inn á þing. Þannig að spennan er ekki búin.

Þjóðveldisflokkurinn stærstur í Færeyjum